Hostel Maktab

Cerita ani masih ku ingat terjadi tempat kawanku pangil sja nina(BNS) beberapa tahun lapas. Kawanku ani andang lamah semangat dari sekulah menengah selalu kana rasuk.
Aku sama nina ani tingal di asrama(tempat asramanya biarlah dirahsiakan) .  Banyak pulang orang kerasukan tempat asrama ku ni. Awal-awal kan masuk  asrama tu kana bual nada hantu lah apa lah. Sudah kami masuk baru ta kami tahu yang banarnya.  Aku cerita pasal nina ani lah .

So ceritanya cani , dalam asrama ku ni ada satu tempat yang inda bulih sukati kan masuk pasal dalam nya ada barang.(inda bulih ku nyatakan barang apa pasal kalau ku gitau mesti ada yang tau asrama mana). Kalau masuk mesti bagi salam dan inda bulih dimain sukahati.

Pada malam atu aku nina dan kawan kami yang lain ni sibuk mengusai tempat acara asrama kami ni. Tempat nya lagi ampir sama bilik atu.  kami angkat meja sama kerusi kedalam bilik atu. kirakan tempat menyimpan lah. Lapas atu kawanku ani inda semena2 lain rasanya. Start tia macam lain. Aku sama kawanku yang lain perasan pulang kambang bulu kami. Inda batah atu ketawa tia macam lain lah. Sekali bteriakan ni urang dalam bilik tu semua belarian. Semua lari ketakutan aku sama kawanku lari jua sekali kawanku yang lain mangil ketua asrama kami(student jua) ia sama jua takut.  Sapa yang berani kana suruh migang c.nina ani. Inda lagi ada laki2 kan minta tulung.  Nada kuat tenaga bini2 ani kan migang. Sudah ramai yang migang baru ku berani melihat kedalam . karas banar kawanku atu ketawa2 pastu marah. Lapas atu kana pangil student yang alim kana suruh baca2 kan. Tapi cali nya student atu pun takut masuk kedalam, student yang lain melihat ganya dari jauh. Lapas atu aku sama yg lain masang yasin dari hp. Nyaring tempat atu urg mmbaca2 kana pasang. Sapa inda takut malam lagitu. Makin tia inda tantu c.nina ani.

Inda batah atu kana tepun ustaz . datang tia ustaz ani memigang c.nina dan yg lain migang kakinya sama tangan nya sal ia melawan. sekali kana baca2i . ketawa2 ya. semua ketakutan.matanya lagi merah. Lapastu yg paling kami takut c.nina tu cakap “ee darah ee darah” dengan suaranya lain taus ketawa2. Mbari Kambang bulu banar.  Ustaz atu bawa ckap g suruh kuar. Ada c.nina tu balas p na ku brapa clear. Sampai ada kawanku yg lain yg takut tu ada yg mnangis. Mnangis ktakutan. Aku pun takut rasa kan balik krumah malam atu. tapi inda kana suruh.  Sekali dalam kul 10 baru tia diam kawanku ani lamah badan nya. Aku ikut duduk siring nya . Kabak2 ku manatau masih kana rasuk. Aku ni g pnakut.  Diam ja kme masa atu diam pasal takut . kana suruh tungu sampai parentnya datang gambil.

Malam atu nada kawan2 ku berani bcakap pasal c.nina. semua urg takut malam atu paksa tidur ramai2. Esuknya pagi baruta semua bcerita rupanya c.nina ani mensus . Malam atu masuk ya kbilik ada benda atu yata mudah kana rasuk. Ia lagi lamah semangat. Patut la time ya kana rasuk tu ia cakap pasal darah. Rupanya mensus.

Ani g cerita pasal kawanku yang sorang ni ia kana kacau tempat biliknya. Ia ni suka tidur patang. Ia sbilik ada 2 urg. Time ya tidur patang tu tbangun ya lihat nya ada urg mlintas2 dbiliknya rupanya kawan nya sbilik ani. Tapi diam inda bsuara mlihat ke tabuk. Kawanku ni sambung tidur, sekali time makan malam bertanya ya kawanku ni tempat roommate nya . awal ya masuk kbilik patang tadi atu. kali kawan nya sbilikni hairan katanya ia ada kelas tadi patang nada ya masuk kbilik. Tarus kawanku diam. Gimbaran nya tah tu..